我:「等等……小哲有封信畀你……」

        浩君转过头来看向我，心里知道是你透露身份而导致警方掌握有力方向来起诉自己，此刻浩君显得有点迟疑，对我说:「戴祖楠呀、戴祖楠，你仲带佢封信嚟做乜？我都已经一无所有咯！佢已经如愿以偿，将我拉下马，佢要啲咩添？我仲可以输啲乜嘢畀佢？！」

        我:「当日机上你暗示去铲除佢，并冇明示……冇落实order下格杀命令，证明你对佢仲姑息，你就暂且放下芥蒂，睇下佢对你有乜嘢说话讲……好唔好？」

        浩君:「我就系後悔，後悔对佢……手软……其实我内心深处好想佢从我嘅世界彻底消失，见到佢，我就好似面对住一道化脓嘅伤疤，见一次流一次脓。」

        我:「其实你应该扪心自问……丁点有冇珍惜过佢喺你身边同在嘅时光？」

        浩君:「我冇！……我一啲都冇珍惜过呢个细路任何嘢！……佢嘅出现系我嘅咒诅，一直以嚟佢就有如宿敌般嘅存在，徘徊不断，我同人讲会对佢悉心照顾……但根本我就做唔到！见到佢我心就积压，不断积压住妒忌，我恨佢好似恨佢Si鬼阿妈咁，但我留恋佢，亦好似我留恋晨雨朵咁！」

        我:「你指嘅系……小哲保留咗前任人子嘅影子喺佢身上，而呢部份亦系你最留恋嘅部份？你从小哲身上见到前人子？」

        浩君:「可恶，我见到欧yAn哲，就好似面对阿朵一样。」

        或者我猜出浩君的少许心理:「……前人子……佢……待你如何？」

        浩君发呆着说:「……好……好……对我好好……」

        我:「但……你容忍唔到…佢心入面有第二个？」

        浩君默言。

        我:「人生……有住千千万万嘅希望……你为何不释怀？」

        浩君:「男人同男人之间，你知几多事？……你以後唔驶嚟见我，我连你都恨！我会自己一个喺呢个监仓承担自己嘅所作所为，你哋走喇！」

        浩君从我手中抢去信件，当场拆去信封，内里还掉了一个小型耳机出来，是能播放音讯档案的那种便携式装置。这时大家都感到莫名奇妙……但浩君勉强无视了那份抗拒小哲的心理…把耳机带上……然後播放起来。

        内容未完，下一页继续阅读